当前位置:主页 > 专家拆局 >

法达斯维:士砵亭争标必拚甘晚捧大

/sitemap.html 2016-02-29 21:14 来源:互联网  

法达斯维:士砵亭争标必拚甘晚捧大

今晚葡超独脚戏,榜首嘅士砵亭作客甘马雷斯。士砵亭刚于欧霸出局,谷埋成肚火,必定全力争夺联赛冠军,但甘马雷斯近期主场战绩非常Sharp醒,加上前锋历卡卡路士脚风甚顺,预计会合演一场入球骚,大盘更加值博。

(有线155台周二凌晨4时直播)

士砵亭今季由同市宿敌宾菲加功勳教头佐治捷西斯「叛逃」执教后,不再像前几季只係波图与宾菲加争标路上嘅陪跑者,单係前锋施利文尼就入咗18球排射手榜「阿二」,战绩稳定性大为提升,至今踢咗23仗只尝1败,难怪可以暂居榜首啦!虽然士砵亭啱啱喺欧霸32强两回合计以1比4被利华古逊踢出局,但佢哋可更加集中火力争夺联赛,毋须再为欧洲赛分神,而出局嘅怒火,势必令佢哋于今仗更加抢缰求胜。

甘马雷斯有本钱斗攻

不过,对手甘马雷斯亦唔易应付,佢哋已经连续8仗未输过,而近4主场录得2胜2和,包括击败波图,前锋历卡卡路士脚风颇顺,近4仗入3粒,而首席射手汉历基杜拉度、奥达维奥艾美臣亦频频士哥,若以中位数2.5球计,甘军近8仗有6仗开入球大,火力全开唔嘢小,加上主场出击更加唔会龟缩。

未计周日战果,士砵亭只领先次席宾菲加3分,绝对不能鬆懈,预计双方难免驳火斗攻,士砵亭嘅客W得1.44倍略嫌乏味,宁愿转捧1.75倍嘅大盘。